| john790515 |
2008-03-22 21:00 |
呢個年代，好多人都唔肯生，養隻狗仔貓仔就當係仔，但遇着佢地病痛就閉翳，所以教兩個重點，保你「寶貝」的健康。
化流年病位
每年流年病位唔同，而寵物的氣較人氣弱，所以最好依每年通勝的流年飛星圖（通常在第二頁），就知「五黃」大病位及「二黑」細病位在哪邊，例如個狗竇或家中大門刚好在这兩個位就要化解！最好將個竇搬離大或細病位；大門口係大病位的話，在大門內或外放灰地氈，地氈底放一片銅片，如放後仲係病，可再加上一個上鏈音樂盒（忌用電子音樂盒，因電屬「火」，「病符」屬「土」，「火」生「土」反而會催旺「病星」）、風鈴或舊鑰匙都得。
08流年病位
大病位正南方
細病位西北方
化動土煞
屋外周圍有動土，如掘地、開山、建築地盤或外牆維修等，如動土範圍愈大，影響寵物的健康則愈厲害，最好用五行化動土局去化解，方法係將木、火、土、金、水五件物件圍成一個圓圈（如圖），向着動土的位置来擺便可化解煞氣，可保寵物以及屋企人健康。
記住最好每日都將音樂盒上鏈，令所發出的金屬聲震盪到病氣，即可以減低動土煞氣。
寵物行運
寵物行唔行運，大致亦可以寒命、熱命、平命人的方法去計。出生於西曆2月4日至5月5日的寵物為平命，不論男女，一生平穩，受寵程度亦一般。生於西曆8月8日以後，10月7日以前，與「平穩命寵物」的運氣相似。但生於其他日子的寵物好壞就較為極端，唔極好就係極壞。 |
|