男人大多喜愛好身材的女性，但若一副魔鬼身材全是靠隆胸或用墊唧出來的「假大胸」，男人又會否歡喜？小記訪問了90位男士，睇佢心目中認為胸部最假的Top6女星係邊幾位。結果形象差多是非的章小蕙成為頂頭大熱跑出！
Top1章小蕙負面新聞多
■01年時的章小蕙，身材平平無奇。
自從多年前與B哥哥鍾鎮濤離婚後，是非新聞一直不斷，拍電影《桃色》時，將自己「噴血」身材表露無遺。此外，外間一直有傳佢隆胸隆鼻兼削面，仲有雜誌翻查舊相，以佢多年前的模樣跟現在作比較；加上佢大花筒形象深刻，難怪在港男心中留下一個壞印象。
青雲（學生）
「唔鍾意章小蕙，個人好假，所以我覺得佢身材都係假。」
Derek（學生）
「女人最唔好係明明無胸又要隆胸，仲拍三級片，無道德觀念。」
Andy（電腦業）
「都四張幾啦，唔明點解仲要整到成身假。」
Top2蔡依林太誇無人信
有一對G奶的Jolin唱得又跳得，是以成為很多港男心中的女神。不過驕人身材的背後一直盛傳G奶是後期加工，還被傳媒翻出初出道時的Jolin確是「飛機場」一名，唔通佢發育期特別長？
■01年的Jolin胸平但樣貌極純情。
露寶（學生）
「蔡依林身材實在係大得太誇張，畀人感覺好假！」
Top3 Victoria Beckham一味充大
近排俾人影到佢對腳凹凹凸凸碧咸嫂，雖然已為人母，但貪靚大過天，抽脂隆胸乜都齊。不過最勁係個胸跟身材唔合比例地超大，小心條腰撐唔住呀。
■00年還未裝胸但早已作勢的Victoria。
David（學生）
「做人媽咪就要收斂，搞到個胸咁肉酸！」
Top4陳茵媺大細胸最離奇
被網民狠評假鼻假下巴假胸，一張多倫多華裔小姐競選照證明佢以前身材唔算太突出，更踢爆她以缽仔糕托胸，最奇怪的是屢被傳媒影到大細胸照片。
■05年參選多倫多華裔小姐時，面肥身材屬一般。
阿禧（學生）
「身材假唔緊要，唔好整到唔對稱嘛！」
Top5鄭希怡露左都唔知
前排又露T-back又露點鄭希怡，雖然俾記者發現佢由平胸而變得忽然有罅，但佢死口堅稱自己是用墊唧出，絕無人工加料。
■以前身材「平」均，少女味重。
Apple（學生）
「唱歌都可以露點而不知，可能係假，所以無感覺。」
Top6葉翠翠有膽做無膽認
港姐葉翠翠俾人發現樣貌跟以前大不同：鼻高，胸大，面瘦。最離奇係佢話全靠化妝師化到咁靚，又話個胸係墊出。墊術咁高超，不如出書人啦！
■睇完呢張舊相，真係要信醜小鴨終可變天鵝。
Kelvin（學生）
「好多女星都整啦，唔認又亂講藉口咪重衰！」